അഫ്സൽ കോട്ടോപാടം
ജനനം മുതൽക്കെ
അടിമത്വത്തിലായുറഞ്ഞ ബാല്യം
അവകാശങ്ങളൊന്നായ്
പൊലിഞ്ഞ് പോയൊരു കാലം
ജീവിത സ്വപ്നങ്ങൾ ഒാരോന്നായ്
അറുത്തു മാറ്റിയ നേരം
ബിലാൽ തേങ്ങി കരഞ്ഞു
ചുടുമണലിൽ നൊന്ത പ്രാണൻ
വ്യഥ പറയാതെ മൗനം മൊഴിഞ്ഞുനിന്നു
ഉമയ്യത്തിന്റെ കൊടും പീഡനങ്ങളെ
അവശതയറിയാതെ നേരിട്ട ബിലാലോരെ
അങ്ങ് താണ്ടിയ
സഹനത്തിന്റെ ഗിരിപർവ്വങ്ങളാരു
മിവിടെ താണ്ടിയിട്ടില്ല
ആ പോരാട്ട കഥകൾ ആരും മറക്കുകില്ല,
സ്വാതന്ത്ര്യമെന്ന സൗഖ്യത്തിനു മുന്നിൽ
അടിയറ വെക്കാത്ത
വിശ്വാസ ദാർഢ്യത്തെ
ആരുമോർക്കാതിരിക്കുകില്ല
അടിമത്വത്തിൻ ചങ്ങലകളെ
അറുത്തു മാറ്റിയ ധീരരേ
അങ്ങേക്കു സലാം..