ഖുബൈബ് നീ ഈ കഴുമരത്തില്‍ നിന്നും രക്ഷപ്പെടുകയും നിന്‍റെ സ്ഥാനത്ത് മുഹമ്മദ് കഴുമരത്തിലേറ്റപ്പെടുകയും ചെയ്യുന്നത് നീ ഇഷ്ടപ്പെടുന്നുണ്ടോ? ഏ.. വിഡ്ഢികളെ, എന്‍റെ മുത്ത് നബി കഴുമരത്തിലേറ്റപ്പെടുന്നത് ഞാന്‍ ഇഷ്ടപ്പെടുമെന്നോ? എന്‍റെ ഹബീബിന്‍റെ കാലില്‍ ഒരു മുള്ള് തറക്കുന്നത് പോലും എനിക്ക് സഹിക്കാവുന്നതില്‍ അപ്പുറമാണ്. കഴുമരത്തില്‍ നിന്ന് ധീരമായി ഖുബൈബ്(റ) നല്‍കിയ മറുപടിയില്‍ ശത്രുക്കള്‍ക്ക് തീരെ പുതുമ ഉണ്ടായിരുന്നില്ല. പ്രവാചകരെ തങ്ങളുടെ ജീവനേക്കാള്‍ ഇഷ്ടപ്പെടുന്നവര്‍ ഇതല്ലാതെ എന്തു പറയാനാണ്. തിരുനബി(സ്വ) സ്നേഹിക്കപ്പെടാനായി പടക്കപ്പെട്ടവരാണ്. അവിടെത്തോടുള്ള സ്നേഹമാണ് വിശ്വാസത്തിന്‍റെ പുര്‍ണ്ണത. […]
