പ്രപഞ്ച നാഥനായ അല്ലാഹു മനുഷ്യനെ ഉന്നതനും ഉല്‍കൃഷ്ടനുമായി സൃഷ്ടിച്ചു. വിശേഷബുദ്ധിയും വിവേചന ശക്തിയും ഇതര ജീവികള്‍ക്കില്ലാത്ത പല വിശിഷ്ടഗുണങ്ങളും നല്‍കി മനുഷ്യനെ ആധരിക്കുകയും ബഹുമാനിക്കുകയും ചെയ്തു. ഈ പവിത്രമായ ശരീര ഘടനയും സൗന്ദര്യവും അവന്‍ മനുഷ്യന് കനിഞ്ഞേകി. ഇവിടെയാണ് ഇലാഹി സ്മരണയിലേക്കുള്ളൊരു അടിമയുടെ ആഗമനം സാധ്യമാകുന്നത്. മനുഷ്യമനസ്സുകളില്‍ നിന്ന് ഇലാഹീ ചിന്ത കൂടിയൊഴിഞ്ഞതാണ് ഇന്ന് നാം അനുഭവിക്കുന്ന പ്രശ്നങ്ങള്‍ക്കെല്ലാം കാരണം. സഞ്ചാര പാതകളിലൊക്കെയും ഇലാഹീ ചിന്ത വെളിച്ചം കാട്ടേണ്ടതിനു പകരം അവയൊക്കെയും മനുഷ്യന്‍റെ ഭൗതിക താല്‍പര്യങ്ങളില്‍ ലയിച്ചിരിക്കുകയാണ്. […]
