സോമാലിയയില്‍
സുഡാനില്‍ സാന്‍ആഇല്‍,
ഡമസ്‌കസിലും
പിന്നെയുമനേകം അഭയാര്‍ത്ഥി കൂടാരങ്ങളിലും
വിശന്ന് വയറൊട്ടിയ കുഞ്ഞിളം പൈതങ്ങളിപ്പോഴും
വലിയ പ്ലേറ്റിന് ചുറ്റും വട്ടമിട്ടിരിക്കുകയാണ്
പ്രതീക്ഷയുടെ കരങ്ങള്‍ തീറ്റയിടുന്നതും കാത്ത്
അത്ഭുതം,
ഇവിടെ ഇന്ത്യയിലുമുണ്ട് വൈവിധ്യയിനം പ്ലെയ്റ്റുകള്‍
ചാണകം വിളമ്പിയും
ഗോമൂത്രം നിറച്ചും സര്‍വ്വസജ്ജമായിരിക്കുകയാണവര്‍
ഇടക്ക് വലിയ ശബ്ദത്തില്‍ പ്ലേറ്റ് കൊട്ടി വെളിച്ചമണച്ച്
രാജ്യ സംരക്ഷണത്തിലാണ്
കോവിഡിനിപ്പോള്‍ പ്ലേറ്റിനെ അത്രമേല്‍ ഭയമാണത്രെ!
വി. എന്‍ എം യാസിര്‍ അണ്ടോണ
