മുഹമ്മദ് ഷാഹുല് ഹമീദ് പൊന്മള ജന്മനാ പിടിപെട്ട വിഭ്രാന്തിയാണ് ദിവസങ്ങള് മുന്നോട്ടു കുതിക്കുന്നത് വലയില് ശേഷിച്ച കുഞ്ഞു പരല്മീനുകളെപ്പോലെ ഓര്മ്മത്തരികള് പിടച്ചിലിലാണ് വേദന തഴുകിയതിനാലാവാം ഇന്ന് ഞാന് മോഹവലയും നെയ്ത് ഓര്മ്മത്തെരുവിലെ വില്പ്പനക്കാരനാകാന് കാത്തിരിപ്പിലാണ് കുരുങ്ങിയ തരികള് ഒത്തിരിയുണ്ട് . പ്രകാശമെത്താതിടത്ത് സോളാറിനെന്തു മെച്ചം കാറ്റെത്താതിടത്ത് കാറ്റാടിക്കെന്ത് ഫലം, അവരൊക്കെ ചുമതലകളുടെ അങ്ങാടികളില് ഭാണ്ഡം ചുമക്കുകയാണത്രെ ഇനി ഞാന് മരങ്ങളോട് കിന്നരിക്കട്ടെ, പൂവുകളോടും പൂമ്പാറ്റകളോടും ഓര്മ്മകളുടെ ചുമടിറക്കി ശുദ്ധവായുവിനെ ഉള്ളിലേക്കാവാഹിക്കണം
