വിശുദ്ധ റമളാന്‍ സമാഗതമായി. സത്യവിശ്വാസികള്‍ക്ക് ആത്മീയ ഉല്‍കര്‍ഷത്തിന്‍റെയും സംസ്കരണത്തിന്‍റെയും കൊയ്ത്തുകാലമാണ്. വിശ്വാസിയെ സംബന്ധിച്ചിടത്തോളം ആഹ്ലാദത്തിന്‍റെയും ആനന്ദത്തിന്‍റെയും ദിനരാത്രങ്ങളാണ്. തിന്മകളുടെ കറുത്ത കരിമുഖിലുകള്‍ കുമിഞ്ഞു കൂടിയ വിശ്വാസി ഹൃദയങ്ങള്‍ ആത്മീയ ചൈതന്യം കൊണ്ട് സ്ഫുടം ചെയ്യപ്പെടുന്ന വിശുദ്ധ മാസം. രണ്ടു മാസക്കാലം വിശ്വാസികള്‍ കാത്തിരുന്ന കാത്തിരിപ്പിനു പോലും അത്യധികം പ്രതിഫലമുണ്ട്. നോമ്പ് പരിചയാണെന്നാണ് തിരുവരുള്‍. ദേഹേഛകളോടും പൈശാചിക പ്രേരണകളോടുമുള്ള സായുധ സമരത്തിനുള്ള പോര്‍ക്കളമാണ് വിശുദ്ധ റമളാന്‍. നോമ്പനുഷ്ഠാനത്തിലൂടെ മതത്തിന്‍റെ ശത്രുക്കളോട് സമരം ചെയ്യുന്ന ഒരു പ്രതീതി അവന്‍റെ അകതാരില്‍ […]
